(മാർച്ച് മാസത്തിലെ അവസാന ശനിയാഴ്ച. രാത്രി 8:30 മുതൽ 9:30 വരെ വൈദ്യുതി വിളക്കുകൾ അണച്ച് തിരി കൊളുത്തുന്നു.)_
കാലാവസ്ഥാ വ്യതിയാന ഭീഷണിക്കെതിരായ ബോധവൽ‌ക്കരണത്തിന്റെ ഭാഗമായി വേൾഡ് വൈഡ് ഫണ്ട് ഫോർ നേച്ചറിന്റെ ആഭിമുഖ്യത്തിൽ, എല്ലാ വർഷവും മാർച്ച് മാസത്തിലെ അവസാന ശനിയാഴ്ച രാത്രി ഒരു മണിക്കൂർ നേരം വളരെ അത്യാവശ്യമുള്ളവയൊഴികെ എല്ലാ വൈദ്യുതോപകരണങ്ങളും അണച്ചിടുന്നതിനെയാണ് ഭൗമ മണിക്കൂർ (Earth Hour) എന്നറിയപ്പെടുന്നത്.
ആഗോളതാപനത്തിനും കാലാവസ്ഥാ വ്യതിയാനത്തിനും ഇടയാക്കുന്ന പ്രവർത്തനങ്ങളിലും ജീവിതശൈലിയിലും മാറ്റം വരുത്താൻ ലോകജനതയെ പ്രേരിപ്പിച്ച് വൈദ്യുതി ഉപയോഗം, ഹരിതഗൃഹ വാതകങ്ങളുടെ പുറന്തള്ളൽ എന്നിവ കുറയ്ക്കുക വഴി ഭൂമിയെ രക്ഷിയ്ക്കുകയെന്നതാണ് എർത്ത് അവർ അഥവാ ഭൗമ മണിക്കൂർ യജ്ഞത്തിന്റെ ലക്ഷ്യം.
2009 മുതലാണ് ഇന്ത്യ ഭൗമ മണിക്കൂർ ആചരണത്തിൽ പങ്കാളികളാകാൻ തുടങ്ങിയത്. ഒരു മണിക്കൂർ അവർ ലൈറ്റുകൾ അണച്ചതിലൂടെ 1000 മെഗാവാട്ട് വൈദ്യുതി ലാഭിക്കാനായെന്നും കണക്കുകൾ പറയുന്നു. തുടർന്നുള്ള വർഷങ്ങളിൽ ഇന്ത്യയിൽ ഭൗമ മണിക്കൂർ ആചരണത്തിന് വൻ പ്രചാരം സിദ്ധിച്ചു. ഇന്ത്യയിലെ 130 നഗരങ്ങളിലും ഒട്ടേറെ ഗ്രാമങ്ങളിലുമായി ലക്ഷക്കണക്കിനു ജനങ്ങൾ ലൈറ്റുകൾ അണച്ച് ഈ സന്നദ്ധയജ്ഞത്തിൽ പങ്കെടുത്തുതായാണു കണക്കുകൾ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ