ഗണിതത്തിലെ ഒരു സംഖ്യയായ പൈയെ അനുസ്മരിക്കുന്ന ദിനമാണ് പൈ ദിനം.
ചരിത്രം
1989-ൽ ലാറി ഷായാണ് പൈ ദിനം ആചരിക്കുന്നത് തുടങ്ങിവച്ചത്. ഷാ ഒരു ഭൗതികശാസ്ത്രജ്ഞനായി ജോലി ചെയ്തിരുന്ന സാൻഫ്രാൻസിസ്കോ എക്സ്പ്ലോററ്റോറിയത്തിലാണ് പൈ ദിനം ആദ്യമായി ആചരിക്കപ്പെട്ടത്.
സഹപ്രവർത്തകരോടൊപ്പം ഒരു വൃത്തരൂപത്തിൽ പൈ എന്ന ഭക്ഷണപദാർഥം ഭക്ഷിച്ചുകൊണ്ട് പ്രദക്ഷിണം വച്ചാണ് പൈ ദിനം ഷാ ആഘോഷിച്ചത്, ഇന്നും ഈ എക്സ്പ്ലോററ്റോറിയത്തിൽ പൈ ദിനം ആഘോഷിക്കുന്നത് തുടരുന്നു.
2004ലെ പൈ ദിനത്തിൽ പൈയുടെ 22,514 ദശാംശം വരെയുള്ള അക്കങ്ങൾ നോക്കിവായിച്ചുകൊണ്ട് വാർത്തകളിൽ ഇടം നേടി 2009 മാർച്ച് 12ന് പൈ ദിനം അംഗീകരിച്ചുകൊണ്ടുള്ള ബിൽ അമേരിക്കൻ സർക്കാർ പാസ്സാക്കി. 2010ലെ പൈ ദിനത്തിൽ ഗൂഗിൾ പ്രത്യേക ഡൂഡിൽ അവതരിപ്പിച്ചു. ഗൂഗിൾ എന്ന പദം വൃത്തങ്ങളുടെയും പൈ ചിഹ്നങ്ങളുടെയും മുകളിൽ നിൽക്കുന്നതാണ് ഈ ഡൂഡിൽ ചിത്രീകരിക്കുന്നത്.
പൈ ദിനമായി ആഘോഷിക്കുന്ന ദിനങ്ങൾ
പ്രധാനമായും പൈ ദിനം മാർച്ച് 14ന് ആചരിക്കാൻ കാരണം ഈ തിയതി പൈയിലെ അക്കങ്ങളുമായി സാമ്യമുണ്ട് എന്നതിനാലാണ്. 'മാസം/ദിവസം' എന്ന രീതിയിൽ 3.14 എന്നാണ് ഈ തിയ്യതി കാണുന്നത്. 2015-ലെ പൈ ദിനത്തിൽ പൈയുടെ 5 അക്കങ്ങൾ കാണാം. മാസം/ദിവസം/വർഷം എന്ന രീതിയിൽ എഴുതുമ്പോൾ ഈ തിയ്യതി 3/14/15 എന്നാണ് വായിക്കുന്നത്.
3.141592 ..... എന്നതാണ് Pi യുടെ ഏകദേശ വില... ഏതൊരു വൃത്തത്തിൻ്റെയും ചുറ്റളവിനെ വ്യാസം (Diameter) കൊണ്ട് ഹരിച്ചാൽ കിട്ടുന്ന constant ആണ് Pi. ഗ്രീക്ക് അക്ഷരമാലയിലെ പതിനാറാമത് അക്ഷരമാണ് പൈ... അതിൻ്റെ കൃത്യമായ വില ഇന്നേവരെ നിർണയിക്കപ്പെട്ടിട്ടില്ല... അനന്തതയുടെ ഒരു സമസ്യയായി വൃത്തം ഉയർന്ന് നിൽക്കുന്നു എന്നതാണ് Pi യെ ഇത്രയും ശ്രദ്ധേയമാക്കുന്നത്... 3.141592 എന്ന Pi വിലയിലെ ആദ്യത്തെ 3 അക്കങ്ങൾ ചേർത്ത് പറഞ്ഞാണ് *മാർച്ച് 14* പൈ ദിനമായി തീരുമാനിച്ചത് ... 3 = മാർച്ച് (മൂന്നാം മാസം) , 14 - പതിനാലാം തിയ്യതി... പ്രപഞ്ചതാളങ്ങളെ ഗ്രഹിക്കുന്നതിൽ Pi ക്ക് മോശമല്ലാത്ത സ്ഥാനമുണ്ട്
22 ജൂലൈയാണ് പൈ മതിപ്പ് ദിനമായി (Pi Approximation Day) ആചരിക്കുന്ന മറ്റൊരു ദിവസം. ദിവസം/മാസം എന്ന രീതിയിൽ എഴുതുമ്പോൾ ഈ തിയതി 22/7 എന്നാണ് വായിക്കുന്നത്. അതിനാലാണ് ജൂലൈ 22 പൈ ദിനമായി ആചരിക്കുന്നത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ